Мектебімізде қазақ тілі пәні бойынша емтихан басталды 5-сынып оқушылары мемлекеттік тілді меңгеру деңгейін көрсетіп, пән бойынша алған білімдерін қорытындылауда. Емтихан барысында оқушылардың сауатты жазу, өз ойын жүйелі әрі еркін жеткізу дағдылары бағаланады. Сонымен қатар бұл емтихан оқушылардың тіл мәдениетін қалыптастырып, қазақ тіліне деген қызығушылығын арттыруға бағытталған. Барлық оқушыларға сәттілік тілейміз! 

«Білімім – Отаныма» тақырыбында сынып сағаты өткізілді. Сынып сағатында келесі маңызды мәселелер қамтылды: қауіпсіздік шаралары (жол қауіпсіздігі, судағы қауіпсіздік, интернет қауіпсіздігі), Заң мен Тәртіп қағидаттарын сақтау, «Таза Қазақстан» бастамасын жүзеге асыру, демалысты алдын ала жоспарлаудың артықшылықтары, қосымша білім беру ұйымдарына қатысудың тиімділігі, еңбек етудің маңызы, үлкенге құрмет, кішіге ізет көрсету туралы түсіндірме жұмыстары жүргізілді. Сонымен қатар, оқушыларға жазғы

11-сынып оқушылары түлектер кешін ұйымдастыруға қарсылық танытып, өз таңдауларын саналы түрде көрсетті. Бұл шешім ортақ талқылау арқылы қабылданып, ата-аналарға артық салмақ түсірмеу, қажетсіз шығынды азайту және жауапкершілікке мән беру мақсатында жүзеге асты. Оқушылар бірлік пен достықты сақтай отырып, әркімнің пікірін құрметтей білді. Бұл — жай ғана қарсы шығу емес, болашаққа ойланып жасалған ортақ шешім. ✨ «Бірлік бар жерде — түсіністік бар!» 🇰🇿 #11сынып #СаналыТаңдау #Бірлік #Түлектер2026

«Мемлекеттік тіл – менің тілім» іс-шарасы аясында 11-сынып оқушыларының қатысуымен «Тілім – тұғырым, рухым – жырым» тақырыбында қазақ тілінің мәртебесі мен ұлт болмысын насихаттайтын сахналық көрініс қойылды. Көрініс барысында оқушылар ана тілінің құдіретін, оның халықтың рухани қазынасы мен ұлттық құндылықтарының негізі екенін әсерлі түрде жеткізді. Тілге деген құрмет пен сүйіспеншілік, ұлттық рух пен елдік сананы дәріптеген тағылымды қойылым көрермендердің ерекше ықыласына бөленді.