Ынтымақ – елдіктің тірегі, бірліктің белгісі. 21 наурыз – халқымыздың татулығы мен достығын дәріптейтін ерекше күн. Бұл күні әр шаңырақта береке орнап, адамдар бір-біріне жылы лебіздерін білдіріп, мейірім мен сыйластықты арттырады.

Мектебімізде көктемгі демалыс аясында «Балалар театры» жобасы ұйымдастырылып, “Мұрағат” мектеп театры өз жұмысын белсенді түрде жүргізді. Оқушылар театр өнеріне қызығушылық танытып, сахналық қойылымдар арқылы өз таланттарын шыңдады. Әрбір қойылымда оқушылардың актерлік шеберлігі, шығармашылық қабілеті мен сахна мәдениеті айқын көрініс тапты.

“Балалар кітапханасы” жобасы аясында “Кітаппен келген көктем” челленджіне оқушылардың көктемгі демалыста оқыған кітаптарын талдау жұмыстары өткізілді. Оқушылар өздері оқыған шығармаларымен бөлісіп, кейіпкерлерге талдау жасап, ой-пікірлерін еркін жеткізді. Кітап арқылы дүниетанымдарын кеңейтіп, сөйлеу мәдениеттерін дамытты.

Мектебімізде қоршаған ортаны қорғау, тазалықты сақтау және экологиялық мәдениетті қалыптастыру мақсатында кең ауқымды сенбілік ұйымдастырылды. Акция барысында ұстаздар бірлесе отырып, мектеп ауласында тазалық жұмыстарын жүргізді. Аула қоқыстардан тазартылып, жасыл аймақтар ретке келтірілді.