7-10 сынып оқушыларына «Мен және стресс» тақырыбында тренинг жүргізілді. Мақсаты: Стресстік жағдайдан шығу жолдарын тауып, ондағы жағымсыз жақтарды ғана емес, жағымды жақтарын да көру қабілетін дамыту.

Түрксіб ауданының Қорғаныс істері жөніндегі басқармасының “Тәрбие және идеология” тобының бастығы майор Еркебұлан Съезбекұлы мектебімізге келіп, әскери оқу орындарына түсу жөнінде тың ақпараттарымен бөлісті.

«Наурызнама» онкүндігінің соңғы күні ұлттық экологиялық науқанға арналған. Бұл күн азаматтарға қоршаған ортаны қорғау туралы түсінікті кең таратып, қоғамда экологиялық мәдениетті дамытуға мүмкіндік береді.  Наурыз мерекесі ертеден табиғат тазалығын сақтауды үндейді. Мерекенің мәні – қыстан көктемге көшу, табиғаттың жаңа өмір бастауы осының нышаны. 

Бүгін Оқу-ағарту министрлігінің бастамасымен “Күй күмбірі” атты домбырашылар челленджі өтті. Мектебіміздің домбыра оркестрінің оқушылары челленджге қатысып, Құрманғазы Сағырбайұлының “Серпін” күйін орындады.

20 наурыз - Ұлттық спорт күніне орай іс-шара өткізілді. Мақсаты: ұлттық ойындар арқылы оқушыларға мәдени-патриоттық тәрбие беру. Қазақтың ұлттық спорт түрлері мен ойындарының шығу тарихы мен ойнау ережелері туралы білік-дағдыларын қалыптастыру.

Наурызнама концепциясына сәйкес мектеп-гимназия фойесінде "Жаңару" тақырыбында өткен кітап көрмесі туралы ақпарат ұсынылды.

18 наурыз - Ұлттық киім күніне орай «Ұлттық киім – мәдени мұра» атты іс-шара өткізілді! Мақсаты: тарихи-мәдени мұрамыз ұлттық киімдер туралы толық мағлұмат беру,оқушылардың эстетикалық талғамын арттырып, ұлттық киім тарихын зерттеуге қызығушылығын арттыру.

Бұл күн қайырымдылық, мейірімділік пен татулықты  насихаттауға арналған. Жалпы, игі істер дәстүрін тарату қоғамда қайырымдылық мәдениетін қалыптастыруға ықпал етеді. Дәстүрлі құндылық ретінде қайырымдылықтың орны біздің қоғамда аса маңызды.

14 наурыз - Көрісу күні! Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті-пәттісімен қосып үйіп қояды. Отбасының кішілері үлкендеріне қос қолын беріп, көрісіп шығады. Бір-біріне «Бір жасыңмен!» дейді. Ол «Бір жасқа есеюіңмен! Осы жылға аман-есен жетуіңмен!» дегенді білдіреді. 

Мектебіміздің оқушыларына "Жалпы қауіпсіздік ережесі" туралы бірыңғай бейнероликтер көрсетілді. Мақсаты: оқушыларға қауіпсіздік шаралары туралы түсіндіру, қауіпті заттармен, қауіпсіздік жағдайлармен таныстыру және олардан сақтана білуге үйрету; қауіпсіздік шаралары туралы білімдерін кеңейту; өз жеке басының қауіпсіздігін дұрыс ұстап жүруге тәрбиелеу.