«Адал ұрпақ» ұйымының қатысушыларының қатысуымен «Біздің таңдауымыз – заңды мемлекет» тақырыбында дөңгелек үстел ұйымдастырылды. Іс-шара барысында заңға құрмет, әділ қоғам құру, азаматтық жауапкершілік пен құқықтық мәдениет туралы маңызды ойлар айтылды. Қатысушылар өз пікірлерін ашық білдіріп, белсенді талқылауға атсалысты.

9-сынып оқушылары «Адал ұрпақ» ұйымының қатысушыларымен бірлесіп, «Жемқорлыққа жол жоқ» тақырыбында постер қорғау жұмысын өткізді. Іс-шара барысында оқушылар сыбайлас жемқорлықтың қоғамға тигізетін зияны, адалдық пен әділдіктің маңызы туралы өз ойларын постер арқылы көркем түрде жеткізді. Әр топ өз жұмыстарын сенімді қорғап, белсенділік пен шығармашылық қабілеттерін көрсетті.

7–9 сынып оқушыларымен «Әділдік пен адалдық» тақырыбында эссе жазу ұйымдастырылды. Оқушылар өз ойларын еркін жеткізіп, адалдық, әділ шешім қабылдау, шыншылдық пен жауапкершілік туралы көзқарастарымен бөлісті. Бұл жұмыс оқушылардың ойлау қабілетін дамытып, адамгершілік құндылықтарды бойына сіңіруге бағытталды. Жазылған әр эссе — саналы ұрпақтың көзқарасы мен ішкі ойының көрінісі.

«Адал ұрпақ» ұйымының қатысушыларымен адамгершілік құндылықтарды дәріптеуге бағытталған қысқа кинофильм арқылы кинометафора өткізілді. Фильм желісі бойынша ұят, ар-ождан, адалдық ұғымдары талқыланып, қатысушылар өз ой-пікірлерін еркін білдірді. Іс-шара жас ұрпақтың рухани-адамгершілік көзқарасын қалыптастыруға, дұрыс таңдау жасауға үйретуге бағытталды.

«Адал ұрпақ қандай болу қажет?» атты пікірталас өтті Бүгін «Адал ұрпақ» ұйымының қатысушыларымен маңызды әрі мазмұнды пікірталас ұйымдастырылды. Іс-шара барысында оқушылар адалдық, әділдік, жауапкершілік, заңға бағыну және азаматтық ұстаным тақырыптарында өз ойларын ортаға салды. Пікірталас жас ұрпақтың сыбайлас жемқорлыққа қарсы мәдениетін қалыптастыруға, адал қоғам құндылықтарын дәріптеуге бағытталды. Белсенді қатысқан оқушылар өз көзқарастарын еркін білдіріп, тың идеяларымен бөлісті.

Адамгершілік пен құқықтық мәдениетке арналған сынып сағаты Мектебімізде оқушылардың адамгершілігін, құқықтық мәдениетін және жауапкершілігін дамытуға бағытталған сынып сағаты өтті. Шара барысында балалар адам құқығы, әдептілік және қоғамдағы дұрыс мінез-құлық тақырыптарын талқылап, өз ойларын ашық білдіруге мүмкіндік алды. Мақсат – әр оқушыны саналы азамат ретінде тәрбиелеу, қоғамда өз орнын түсініп, жауапкершілікпен әрекет етуге үйрету.

"Адал ұрпақ" ерікті мектеп клубы "Парасатты азамат" ақпараттық бұрышы

Меткебімізде бірыңғай «Адалдық Сағаты» атты сынып сағаты өткізілді. Бұл шараның мақсаты – оқушыларға адалдықтың, шыншылдықтың және әділдіктің маңыздылығын түсіндіру болатын. Сағат барысында оқушыларға адал болудың не үшін маңызды екені, қоғамдағы адалдықтың рөлі жайында айтылып, түрлі мысалдар келтірілді.

«Адал ұрпақ» ерікті мектеп клубы мүшелері «Жемқорлыққа жол жоқ!» тақырыбында постер қорғау байқауын өткізді. Мақсаты: -Жемқорлық туралы білім беру; -Саналы ұрпақ тәрбиелеу; -Жемқорлыққа қарсы мәдениет қалыптастыру.

Жоғары сынып оқушылары «Әділдік пен адалдық» тақырыбында эссе жазды. Бұл тапсырма оқушыларды моральдық және этикалық құндылықтарды тереңірек түсінуге, қоғамда әділдік пен адалдықтың маңыздылығын ұғынуға бағытталған. Эссе жазу барысында оқушылар өз ойларын, өмірлік тәжірибелерін, сондай-ақ қоғамдағы әділдік пен адалдық мәселелерін өз көзқарастары тұрғысынан талдап, өз пікірлерін білдірді.