Бүгін мектебімізде прокуратура және полиция қызметкерлерінің қатысуымен тақырыптық дәрістер мен құқықтық сабақтар өткізілді. Қонақ мамандар оқушыларға: – құқықтық сауаттылықтың маңызы туралы; – киберқауіпсіздік және интернеттегі жауапкершілік; – жасөспірімдер арасындағы құқықбұзушылықтың алдын алу; – өз құқығың мен міндетіңді білу мәдениеті жайлы мазмұнды ақпарат берді. Оқушылар мамандармен ашық диалог жүргізіп, өздерін қызықтырған сұрақтарына жауап алды.

"Кәсіптік бағдар беру" бағдарламасына сәйкес 1-4 сыныптарда "Психогимнастика "Жылы мейірім" тақырыбында сынып сағаты өткізілді. 

"Алматы - таза қала" бағдарламасына сәйкес 5-сыныптарда "Таза жағалаулар (өзендер мен көлдердің жағасындағы қоқыстарды тазарту)" тақырыбында сынып сағаты өткізілді. Мақсаты: Оқушыларға қоршаған ортаны қорғаудың маңызын түсіндіру, су айдындарының жағалауын таза ұстауға тәрбиелеу; табиғи ресурстарға ұқыпты қарауды дамыту; қоршаған ортаға әсер ететін қоқыстың зиянын түсіндіру және экологиялық мәдениетті қалыптастыру. 

Жеке қауіпсіздік бағдарламасына сәйкес 10-сыныптарда "Қазақстанда балалардың құқықтары қалай қорғалады?" тақырыбында сынып сағаты өткізілді. Мақсаты: Оқушыларға Қазақстандағы балалардың құқықтарын қорғау жүйесі, оны қамтамасыз ететін заңдар мен институттар туралы түсінік беру; өз құқықтары мен міндеттерін білуге, қауіпсіздік жағдайында дұрыс әрекет етуге үйрету; құқықтық мәдениетті дамыту және өзінің де, өзгенің де құқықтарын құрметтеуге тәрбиелеу. 

"Адал азамат" бағдарламасына сәйкес "Өз әрекеттерің үшін жауапкершілік" тақырыбында сынып сағаты өткізілді. Мақсаты: Оқушыларға жауапкершілік ұғымын түсіндіру, адам өз іс-әрекетіне жауап бере алуы керек екенін ұғындыру, саналы шешім қабылдау дағдыларын қалыптастыру.