«Алматы дарыны» дарынды балалар мен талантты жастарды анықтау және қолдау жөніндегі орталығы ұйымдастыруымен өткен «МЕН КӨШБАСШЫМЫН» мектеп жене студенттік парламент көшбасшыларының қалалық слетінде өз баяндамасын қорғаған мектеп президенті Асан Рахымжан. Слет Алматы қаласының мектептерінен және колледжден келген көшбасшылардың басын қосып, жастардың әлеуметтік жауапкершілігін арттыру, көшбасшылық дағдыларын дамыту және өзара тәжірибе алмасу мақсатында ұйымдастырылды.

Жаңа жылдық шырша қарсаныңда "Мейірімді жүрек" жобасы аясында мектебімізде оқушылар және ата-аналармен бірлесіп, шопперлер тігіліп, ішіне жаңа жылдық сыйлықтармен бірге әлеуметтік аз қамтылған отбасылардан шыққан балаларға, жетім және мүгедектігі бар балаларға таратылды.

«Сақ дәуірінен-бақ дәуіріне дейін» тақырыбында тәуелсіздіктің 33 жылдығына арналған интеллектуалды сайыс өткізілді. Сайысқа 9 сынып оқушылары қатысты, олар өздерінің тарихи білімдері мен ойлау қабілеттерін көрсету үшін бір-бірімен бәсекеге түсті. Бұл сайыс барысында оқушылар еліміздің тарихындағы маңызды кезеңдер мен оқиғаларды талдады.

"Сүйікті іс. Кірме сөздер" тақырыбында қазақ тілі пәні мұғалімі Н.Журшыман 5 сынып оқушыларымен ашық сабақ өткізді. Сабақтың мақсаты: Оқылым стратегияларын қолдану: жалпы мазмұнын түсіну үшін оқу, нақты ақпаратты табу үшін оқу.

Мектеп оқушылары арасында "Жұқа мұз - қауіпті!" тақырыбында эссе байқауы өткізілді. Оқушылар қысқы қауіпсіздік, жұқа мұз туралы өз ойларымен бөлісті.