Бүгін мектебімізде  мектеп басшысының ата-аналарға есеп беру кездесуі  ұйымдастырылды . Мақсаты: Ата-аналарға мемлекет басшысының саясатын іске асыру барысында атқарылған жұмыстар мен білім алушылардың, ұстаздардың оқу-тәрбие үдерісінде жеткен жетістіктері бойынша ақпарат беру.

«Наурызнама» онкүндігінің соңғы күні ұлттық экологиялық науқанға арналған. Бұл күн азаматтарға қоршаған ортаны қорғау туралы түсінікті кең таратып, қоғамда экологиялық мәдениетті дамытуға мүмкіндік береді.  Наурыз мерекесі ертеден табиғат тазалығын сақтауды үндейді. Мерекенің мәні – қыстан көктемге көшу, табиғаттың жаңа өмір бастауы осының нышаны. 

Ұлыстың ұлы күні – Наурыз мерекесі баршамызға құтты болсын! Тарихи тамыры тереңге бойлаған әз-Наурыз дана халқымызда қай кезде де еңсесі биік елдіктің, іргесі сөгілмес бірліктің, ырыс пен ынтымақтың мерекесі болып келген. Отанымызға – береке, халқымызға – игілік, мемлекетімізге – молшылық, ал мектебімізге толағай жетістер, өрлеу, шаттық, ынтымақ пен сәттілік алып келсін!

Бүгін Оқу-ағарту министрлігінің бастамасымен “Күй күмбірі” атты домбырашылар челленджі өтті. Мектебіміздің домбыра оркестрінің оқушылары челленджге қатысып, Құрманғазы Сағырбайұлының “Серпін” күйін орындады.

20 наурыз - Ұлттық спорт күніне орай іс-шара өткізілді. Мақсаты: ұлттық ойындар арқылы оқушыларға мәдени-патриоттық тәрбие беру. Қазақтың ұлттық спорт түрлері мен ойындарының шығу тарихы мен ойнау ережелері туралы білік-дағдыларын қалыптастыру.

Наурызнама концепциясына сәйкес мектеп-гимназия фойесінде "Жаңару" тақырыбында өткен кітап көрмесі туралы ақпарат ұсынылды.