Бұл күн қайырымдылық, мейірімділік пен татулықты  насихаттауға арналған. Жалпы, игі істер дәстүрін тарату қоғамда қайырымдылық мәдениетін қалыптастыруға ықпал етеді. Дәстүрлі құндылық ретінде қайырымдылықтың орны біздің қоғамда аса маңызды.

14 наурыз - Көрісу күні! Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міндетті түрде бауырсақ пісіріп, дастарханға тәтті-пәттісімен қосып үйіп қояды. Отбасының кішілері үлкендеріне қос қолын беріп, көрісіп шығады. Бір-біріне «Бір жасыңмен!» дейді. Ол «Бір жасқа есеюіңмен! Осы жылға аман-есен жетуіңмен!» дегенді білдіреді. 

Биылдан бастап Наурыз мейрамын он күн бойы тойлайтын болдық! Бұл онкүндік “Наурызнама” деп аталады.  Онкүндіктің әрбір күні қазақ мәдениеті мен қоғамының байлығы мен алуан түрлілігін көрсететін белгілі-бір тақырып пен құндылыққа арналады. Наурызнама онкүндігі қайырымдылық пен мәдени іс-шаралардан бастап, ұлттық салт-дәстүрлер мен экологиялық акцияларға дейін қоғамның барлық саласын қамтуға бағытталған. Онкүндіктің әр күніне арналған шаралар легін біздің парақшадан көре аласыздар!

Мектебіміздің оқушыларына "Жалпы қауіпсіздік ережесі" туралы бірыңғай бейнероликтер көрсетілді. Мақсаты: оқушыларға қауіпсіздік шаралары туралы түсіндіру, қауіпті заттармен, қауіпсіздік жағдайлармен таныстыру және олардан сақтана білуге үйрету; қауіпсіздік шаралары туралы білімдерін кеңейту; өз жеке басының қауіпсіздігін дұрыс ұстап жүруге тәрбиелеу.