Республика күні аясында "Республикам - мақтанышым!" тақырыбында сынып сағаты өткізілді. Мақсаты: - Отансүйгіштік сезімін қалыптастыру; - тәуелсіздік құндылығын түсіндіру; - жеке тұлғаның азаматтық белсенділігін дамыту.

Алматы қаласы Төтенше жағдайлар департаментінің қатысуымен мектебімізде "Өскелең ұрпақ арасындағы қауіпсіздік мәдениеті" ұранымен "Дабыл чемоданының құрылымы" тақырыбында оқушылармен онлайн форматта кездесу өткізілді. Оқушыларға төтенше жағдай кезінде қалай әрекет ету қажеттігі түсіндірілді.

Ұлт ұстазы атанған,бар күш-жігерін елінің өркениетіне жұмсаған, аудармашы, ақын, лингвист, ғалым Ахмет Байтұрсынұлының өмір жолы көрген ұрпаққа үлкен тәрбие болары анық. Мұражайдағы әр заттан, әр деректен өнеге алып қайтқан 9 сынып оқушылары Ахмет атасындай ұлтына адал ұл болады деп сенеміз.

Берлиндегі Рейхстагқа жеңіс туын тіккен қазақ азаматы, Халық қаһарманы Рақымжан Қошқарбаевтың туғанына 100 жыл толуына орай сыныптан тыс шара өткізілді. Мақсаты: батырдың ерлігін еске алып, жас ұрпаққа патриоттық тәрбие беру, Ұлы Отан соғысы тарихындағы маңызды оқиғаларды ұмытпай, сол дәуірдің батырларын құрметтеу. АӘТД пәні мұғалімі: Базарбаев Ж.С.